Grænmetiskassar í Neskaupstað

Matland er hægt og rólega að færa út kvíarnar og fjölga dreifingarstöðum utan höfuðborgarsvæðisins. Frá og með föstudeginum 3. maí verða grænmetiskassar Matlands í boði í Neskaupstað. Á hverjum föstudegi geta Norðfirðingar nálgast sinn kassa í Nesbæ kaffihúsi hjá henni Siggu og hennar fólki á Egilsbraut 5.

Matland býður íbúa í Neskaupstað velkomna í grænmetisáskrift

Nesbær er rótgróið kaffihús í hjarta Neskaupstaðar þar sem hægt er að kaupa mat, bakkelsi, gjafavöru, garn, blóm og margt fleira. Grænmetiskassarnir koma síðdegis á föstudögum en kaupendur fá SMS til að minna á kassann.

Grænmetiskassar Matlands eru eingöngu seldir í áskrift en hægt er að velja um að fá vikulega sendingu, á tveggja vikna fresti eða mánaðarlega. Auðvelt er að segja áskriftinni upp eða gera tímabundið hlé.

Vilt þú fá grænmetiskassa í þinn heimabæ og getur bent okkur á góða dreifingaraðila? Láttu vita í síma 862-3412 eða sendu póst á matland@matland.is.