Skip to content Skip to footer

Austantvenna – síld og kartöflur

5.480 kr.

Matland býður viðskiptavinum að kaupa 1 fötu af síld og 5 kg poka af kartöflutegundinni Helgu. Síldin kemur frá Ósnesi á Djúpavogi og kartöflurnar eru frá Seljavöllum í Nesjum. Við köllum þetta austantvennuna!

  • 5 kg af millistórum kartöflum frá Seljavöllum í Hornafirði.
  • 1 fata af marineraðri síld EÐA kryddsíld. Fatan er 2,8 kg, þar af 1,1 kg síld í bitum.

Veldu í fellivalinu hér undir hvort þú viljir kryddsíld eða hefðbundna marineraða síld.

Við afhendum austantvennuna þriðjudaginn 6. desember á milli kl. 16 og 18 í verslun Pylsumeistarans við Hrísateig. Þeir viðskiptavinir sem óska eftir heimsendingu á höfuðborgarsvæðinu fá vöruna síðdegis. Sendingar út fyrir höfuðstaðinn fara á afgreiðslustaði Samskipa um allt land.

Vörunúmer: Á ekki við Flokkar: , , Vörunúmer:20159

Lýsing

Afhending: þriðjudaginn 6. desember

Framleiðandinn

Ósnes ehf. er lítið fjölskyldufyrirtæki á Djúpavogi sem stofnað var árið 1996. Ósnes hefur í gegnum tíðina verið í ýmsum verkefnum tengdum sjávarútvegi, s.s. saltfiskverkun, áframeldi á þorski, ígulkerjaveiðum og stundað síldarverkun síðasta áratuginn. Síldin er verkuð eftir gamalli fjölskylduuppskrift og einungis er verkað úr úrvals hráefni frá Loðnuvinnslunni hf. Fáskrúðsfirði.

Takmarkað magn. 

Innihald – marineruð síld

Vatn, síld, sykur, edik, salt, laukur og krydd.

Kælivara 0-4°C.

Þyngd: 2,8 kg, þar af 1,1 kg síld.

Innihald – kryddsíld

Vatn, síld, sykur og krydd.

Kælivara 0-4°C.

Þyngd: 2,8 kg, þar af 1,1 kg síld.

Næringargildi í 100 g af síld:

Orka: 940 kj/223kcal
Fita: 8,6 g, þ.a. mettuð fita 2,04 g
Kolvetni: 24,5 g, þ. A. Sykur 24,5 g
Prótein: 12,1 g
Salt: 2,5 g.

Vilt þú baka eigið rúgbrauð með síldinni?

Laufey Rós á Eskifirði deilir uppskrift að rúgbrauði með lesendum Matlands. Sjá hér.

Kartöfluafbrigðið Helga

Helga er stökkbreytt afbrigði af tegundunum Gullauga og Eyvindi. Helgan er hnöttótt en stundum dálítið aflöng. Hún er með rauðbleikt hýði og gul að innan. Helgan er þurrefnarík og margir telja hana bestu íslensku matarkartöfluna.

Helga er talin hafa myndast vegna stökkbreytingar á Gullauga og svipar mjög til þess nema hvað hýðið er rautt. Helga Gísladóttir húsfreyja í Unnarholtskoti í Hrunamannahreppi fann um 1930 rauðleitar kartöflur í garði þar sem hún ræktaði afbrigðin Eyvind og Gullauga. Hún tók þessar kartöflur frá og ræktaði upp af þeim nýtt afbrigði sem er nefnt eftir henni.

Bændurnir

Bændurnir Hjalti Egilsson og Birna Jensdóttir á Seljavöllum í Nesjum í Hornafirði hafa getið sér gott orð fyrir kartöflurækt. Þau eru rækta kartöflur á rúmum 8 hekturum lands. Hluti af görðunum er undir ábreiðum svo kartöflurnar vaxi hraðar og komi fyrr á markað. Hornafjörðurinn hefur mikla sérstöðu í íslenskri kartöflurækt þar sem bændur hafa passað upp á að vera eingöngu með eigið útsæði. Þannig hafa þeir náð að halda ýmsum kartöflusjúkdómum víðs fjarri í gegnum árin.


Byggingar kartöflubændanna á Seljavöllum í Nesjum.


Hjalti Egilsson bóndi á Seljavöllum. Myndir / TB

Varan – Helga

Kælivara. Geymist á svölum og skuggsælum stað.

Innihald: 5 kg af nýjum kartöflum, millistórar Helgur.
Upprunaland: Ísland
Framleiðandi: Seljavallabúið
Söluaðili: Matfélagið ehf. – Matland.is

 

Frekari upplýsingar

Þyngd Á ekki við
Síldartegund

Kryddsíld og kartöflur, Marineruð síld og kartöflur

Umsagnir

Það eru engar umsagnir enn.

Ritaðu fyrstu umsögnina um “Austantvenna – síld og kartöflur”

Netfang þitt verður ekki birt. Nauðsynlegir reitir eru merktir *

Þér gæti einnig líkað við…

Fréttabréf

Skráðu þig til að fá fréttabréf Matlands í tölvupósti.

Please wait...

Takk fyrir skráninguna!

Matland.is © 2022. Allur réttur áskilinn –  Kaupskilmálar

Visa - Mastercard