Denversteik frá Hvammi – Ölnaut

3.865 kr. – 4.699 kr.

Matland býður upp á Denver-steik frá Hvammi í Ölfusi í samvinnu við Davíð bónda og Ferskar kjötvörur. Naut sem alið var á bjórhrati og fékk ekta mjöð síðustu mánuðina í eldinu.

Denver-steikin er nýsmíði amerískra kjötiðnaðarmanna. Hún var valin “Steik ársins” í Ameríku árið 2018 og það voru kjötskurðarmenn frá Denver sem komu henni á framfæri. Þaðan fékk hún að sjálfsögðu nafngiftina “Denver-steik”.

Steikin liggur fyrir ofan chuck-roast bitann og er því tæknilega séð úrbeinuð rif en mikið auðeldanlegri.

Einstök fitusprenging er oft á tíðum í steikinni og er hún safamikil og seiðandi, best er að elda hana í medium rare á sjóðheitu grilli.

Þú velur það sem hentar þér í fellivalinu hér undir. Kílóverð: 5.490 kr.

Kjötið er frosið og fullmeyrnað. Takmarkað magn.

Matland sendir þér vörurnar gegn vægu gjaldi eða þú sækir í verslun Pylsumeistarans á Hrísateig 47 í Reykjavík á daginn eftir kaup á milli 16.00 og 18.00. Matland sendir SMS þegar vörurnar eru tilbúnar til afgreiðslu. Sendingar út fyrir höfuðborgarsvæðið fara með Samskipum á afgreiðslur um allt land.

Lýsing

Fyrsta flokks ungnautakjöt frá Hvammi í Ölfusi. Um holdablendinga er að ræða í þetta sinn. Íslenskt gæðanaut!

Denversteik. Kílóverð: 5.490 kr.

Frystivara.

Bændurnir

Í Hvammi búa bændurnir Pétur Benedikt Guðmundsson og Charlotte Clausen. Sonur þeirra Davíð Clausen starfar í kjötiðnaði og sér um nautaeldið.

Nautin í Hvammi eru alin í rúmgóðum stíum og fá bjórhrat ásamt íslensku heyi alla sína ævi. Þess vegna kalla bændurnir þau „Ölnaut“. Síðustu þrjá mánuðina fyrir slátrun fá nautin alvöru bjór sem hjálpar til við að fita þau. Bjórinn kemur úr bjórverksmiðju og er ekki almenn söluvara. Hvert naut fær á bilinu 1-2 lítra af bjór á dag en hann er blandaður byggi sem ræktað er á bænum.

Bændurnir í Hvammi; Davíð, Pétur og Charlotte.

Davíð, sem vinnur sem kjötiðnaðarmaður hjá Ferskum kjötvörum í aðalstarfi, hefur þróað nautaeldið í Hvammi eftir veru sína á Hvanneyri. Hann gefur bolunum bjórhrat í eldinu og síðustu mánuðina fá þeir ekta mjöð til að gæða sér á. Útkoman er frábært kjöt og hamingjusamir gripir.

Nautin í Hvammi í Ölfusi fá gott atlæti og eru í rúmgóðum stíum. Myndir / TB

Hvernig er best að elda Denversteik?

Ágætt er að miða við 200-250 g á mann í aðalmáltíð. Matland mælir með að grilla Denversteikina eða elda hana á snarkheitri pönnu í nokkrar mínútur. Munið að láta hvíla eftir eldun.

Kryddið eftir smekk. Matland mælir með að nota grófmulinn pipar og flögusalt frá Saltverki.

Ef búið er að frysta nautakjöt þá er gott að gefa sér góðan tíma í að afþíða kjötið í kæli. Mikilvægt er að taka út úr kæli a.m.k. klukkutíma áður en eldamennskan hefst og hafa kjötið við stofuhita.

Aðrar upplýsingar

Kjötið frá Hvammi er unnið og pakkað hjá Ferskum kjötvörum í Síðumúla í Reykjavík.

Frystivara.

Innihald: Ungnautakjöt – Denversteik.
Upprunaland: Ísland
Slátrað og unnið á Íslandi.
Alið í Hvammi í Ölfusi
Framleiðandi: Ferskar kjötvörur ehf.
Sláturhús: SS á Selfossi
Söluaðili: Matfélagið ehf. – Matland.is

Frekari upplýsingar

Denversteik	526 g, 546 g, 564 g, 576 g, 652 g, 684 g, 684 g, 704 g, 728 g, 732 g, 754 g, 740 g, 794 g, 826 g, 856 g, 932 g

Umsagnir

Það eru engar umsagnir enn.

Ritaðu fyrstu umsögnina um “Denversteik frá Hvammi – Ölnaut”

Denversteik frá Hvammi – Ölnaut