Skip to content Skip to footer

Lífræn mjaðmasteik frá Eyði-Sandvík

4.508 kr.5.022 kr.

Mjaðmasteik frá lífræna búinu Eyði-Sandvík í Árborg. Lífrænt vottað kjöt sem hefur fengið að hanga í 16 daga. Mjaðmasteikin er undurmjúk og hentar vel á grillið.

Þú velur á stærð það sem hentar þér í fellivalinu hér undir.  Kílóverð: 6.590 kr.

Kjötið er frosið og fullmeyrnað. Takmarkað magn.

Matland sendir þér vörurnar gegn vægu gjaldi eða þú sækir til Matlands á Hrísateig 47 daginn eftir kaup eða samdægurs ef pantað er fyrir hádegi. Matland sendir sms þegar varan er tilbúin til afhendingar. Sendingar út fyrir höfuðborgarsvæðið fara með Samskipum á afgreiðslur um allt land.

Vörunúmer: Á ekki við Flokkar: , Merkimiðar: , , Vörunúmer:39880

Lýsing

Mjaðmasteik, lífrænt vottað kjöt. Kílóverð: 6.590 kr.

Frystivara.

Bændurnir

Eyði-Sandvík er fjölskyldubú í Árborg en bærinn er aðeins steinsnar frá Selfossi. Að búskapnum, sem er lífrænt vottaður, standa hjónin Ólafur Ingi Sigurmundsson og Anna Gísladóttir ásamt börnum sínum, þeim Rúnari Geir, Guðbirni Má, Maríu Ósk og eiginmanni hennar, Hlyni Sigurðssyni.

Árið 2007 var byggt nýtt lausagöngufjós með 72 legubásum og jafnframt var tekin í notkun Lely A3 mjaltaþjón. Heildar landstærð í Eyði-Sandvík er yfir 255 hektarar.

Í Bændablaðinu í mars 2022 var viðtal við Rúnar Geir, búfræðinginn á bænum, þar sem hann svaraði m.a. spurningum um þá ákvörðun fjölskyldunnar að fara leið lífrænnar mjólkurframleiðslu.

„Haustið 2010 hóf ég nám í búfræði á Hvanneyri, þar sem ég tók meðal annars áfangann Lífrænn landbúnaður og þá byrjaði svona áhuginn fyrir þessu fyrst. Eftir það hófum við tilraunir með að sá smára með þegar við endurræktuðum túnin.“ Að sögn Rúnars tekur aðlögun að lífrænt vottuðum kúabúskap almennt tvö og hálft ár; tvö ár tekur að aðlaga tún og þegar túnin eru orðin vottuð lífræn – og þar með fóðurvottað – þá er hægt að aðlaga bústofninn fyrir mjólkurframleiðsluna. Það tekur sex mánuði, en fyrir kjötframleiðslu eru það 12 mánuðir.

„Árið 2017 tókum við þá ákvörðun að hefja aðlögun á landi en settum fyrst 19 hektara í aðlögun. Við vildum sjá hvernig uppskeran myndi verða við þessar breytingar áður en hið endanlega skref væri tekið, smátt og smátt bættum við fleiri túnum í aðlögun ár hvert. Í apríl 2021 fór bústofninn; kýr, kvígur og hross, í aðlögun. Fyrsta lífrænt vottaða mjólkin fór frá okkur í október síðastliðinn  og getum við farið að selja lífrænt vottað kjöt í apríl.“

Átsvæði kúnna og bygggjafakerfið.

Nýtt fjós var byggt í Eyði-Sandvík árið 2007 með ríflega 70 legubásum. Með tilkomu lífrænu vottunarinnar í Eyði-Sandvík gat Biobú aukið framleiðslu sína á lífrænum mjólkurvörum til mikilla muna.
/Myndir úr einkasafni.

Kjarnhiti nautakjöts

Lítið steikt / 52-55°
Lítið miðlungs / 55-60°
Miðlungs / 60-65°
Miðlungs mikið / 65-69°
Mikið steikt / 71-75°

Aðrar upplýsingar

Kjötið frá Eyði-Sandvík er unnið og pakkað hjá Sláturhúsi Vesturlands í Brákarey. Eina sláturhúsið á Íslandi með lífræna vottun.

Kælivara.

Innihald: Nautgripakjöt, mjaðmasteik,
Upprunaland: Ísland
Slátrað og unnið á Íslandi.
Alið á Eyði-Sandvík.
Framleiðandi: BIO-bú
Sláturhús: Sláturhús Vesturlands í Brákarey
Söluaðili: Matfélagið ehf. – Matland.is

Frekari upplýsingar

Mjaðmasteik

586 g, 684 g, 700 g, 702 g, 710 g, 742 g, 746 g, 762 g

Umsagnir

Það eru engar umsagnir enn.

Ritaðu fyrstu umsögnina um “Lífræn mjaðmasteik frá Eyði-Sandvík”

Netfang þitt verður ekki birt. Nauðsynlegir reitir eru merktir *

Þér gæti einnig líkað við…