Skip to content Skip to footer

Stutt rif (e. short ribs) frá Hvammi

1.724 kr.4.239 kr.

Rif (e. short ribs) af fyrsta kálfs holdablendingskvígu frá Hvammi í Ölfusi. Skrokkurinn fékk að hanga í 11 daga fyrir vinnslu sem tryggir góða meyrni.

Þú velur á stærð það sem hentar þér í fellivalinu hér undir.  Kílóverð: 3.175 kr.

Kjötið er frosið og fullmeyrnað. Takmarkað magn.

Matland sendir þér vörurnar gegn vægu gjaldi eða þú sækir á afhendingarstað Matlands á Hrísateig 47 í Reykjavík daginn eftir kaup. Matland sendir sms þegar varan er tilbúin til afhendingar. Sendingar út fyrir höfuðborgarsvæðið fara með Samskipum á afgreiðslur um allt land.

Vörunúmer: Á ekki við Flokkar: , Merkimiðar: , Vörunúmer:34788

Lýsing

Fyrsta flokks kjöt af holdablendingskvígu frá Hvammi í Ölfusi. Gripurinn flokkaðist í UNO-3+. Fituflokkun 3+ segir að kjötið er vel fitusprengt. Þyngdin á skrokknum var 264 kg.

Rif, (e. short ribs). Kílóverð: 3.175 kr.

Frystivara.

Upplýsingar

Kjötið frá Hvammi er unnið og pakkað af landsliði kjötiðnaðarmanna.

Innihald: Ungnautakjöt (fyrsta kálfs holdablendingskvíga), UNO-3+, rif, e. short ribs.

Upprunaland: Ísland
Slátrað og unnið á Íslandi.
Alið í Hvammi í Ölfusi
Framleiðandi: Matfélagið, Hvammur og Landslið kjötiðnaðarmanna.
Sláturhús: SS á Selfossi
Söluaðili: Matfélagið ehf. – Matland.is, Hrísateig 47, 105 Reykjavík.

Bændurnir

Í Hvammi búa bændurnir Pétur Benedikt Guðmundsson og Charlotte Clausen. Sonur þeirra Davíð Clausen starfar í kjötiðnaði og sér um nautaeldið. Davíð er í landsliðshópi kjötiðnaðarmanna.

Bændurnir í Hvammi; Davíð, Pétur og Charlotte.

Davíð, sem vinnur sem kjötiðnaðarmaður hjá Ferskum kjötvörum í aðalstarfi, hefur þróað nautaeldið í Hvammi eftir veru sína á Hvanneyri.


Ungnautin í Hvammi í Ölfusi fá gott atlæti og eru í rúmgóðum stíum. Myndir / TB

Landslið kjötiðnaðarmanna æfir reglulega í húsnæði Menntaskólans í Kópavogi. / Mynd TB

Kjarnhiti nautakjöts

Lítið steikt / 52-55°
Lítið miðlungs / 55-60°
Miðlungs / 60-65°
Miðlungs mikið / 65-69°
Mikið steikt / 71-75°

Hvernig er best að elda nautarif?

Nautarif krefjast langrar eldunar og það er best að hafa þolinmæðina með í för þegar þau eru matreidd.

Kryddið eftir smekk. Matland mælir með að nota grófmulinn pipar og flögusalt.

Fjórar aðferðir sem Matland mælir með:

  1. Sjóðið rifin í potti. Setjið bjór, vatn, grænmeti og krydd í pott ásamt rifjunum og látið malla við lágan hita í 3 klst. Skellið svo rifjunum á snarkheitt grill og penslið með bbq-sósu.
  2. Rifin sett í eldfast mót í ofn. Látið bjór í botninn ásamt grænmeti og kryddi. Hafið ofninn í 100-120°C og látið malla í a.m.k. 3 klst. Passið að bleyta jafnt og þétt og ekki láta þorna. Hækkið hitann í lokin til þess að ná upp skorpu.
  3. Reykið og eldið rifin í reykofni eða smoker. Eldið í 100-120°C hita í 3 klst. Takið rifin að því loknu og stráið púðursykri, salti og pipar á bitann. Vefjið í álpappír eða sérstakan smjörpappír og hendið aftur inn í hitann í 1 klst.
  4. Þegar Klúbbur matreiðslumeistara hélt hátíðarkvöldverð um áramótin 2022/2023 voru nautarif frá Hvammi fyrir valinu. Þá voru þau sett í saltpækil í um 15 klst. og síðan sous-viduð á 79°C í 15-20 klst. Eftir það voru rifin kæld niður, beinin tekin af og bitarnir grillaðir á háum hita og penslaðir með unagi-gljáa. Skoðið nánar upplýsingar um aðferðina og uppskriftina hér.

Ef búið er að frysta nautakjöt þá er gott að gefa sér góðan tíma í að afþíða kjötið í kæli. Mikilvægt er að taka út úr kæli a.m.k. klukkutíma áður en eldamennskan hefst og hafa kjötið við stofuhita.

Rifin sem meðlimir í Klúbbi matreiðslumeistara elduð við hátíðarkvöldverð áramótin 2022/2023. Sjá lýsingu og uppskrift.

Frekari upplýsingar

Rif, short ribs

543 g, 599 g, 735 g, 881 g, 981 g, 1015 g, 1109 g, 1124 g, 1132 g, 1177 g, 1300 g, 1335 g, 1472 g

Umsagnir

Það eru engar umsagnir enn.

Ritaðu fyrstu umsögnina um “Stutt rif (e. short ribs) frá Hvammi”

Netfang þitt verður ekki birt. Nauðsynlegir reitir eru merktir *

Þér gæti einnig líkað við…