Skip to content Skip to footer

Roast-beef frá Tjörn

6.944 kr.7.976 kr.

Innralæri frá Tjörn á Mýrum í Hornafirði er kjörið til að útbúa Roastbeef. Þú eldar í heilu lagi eða sneiðir niður í steikur. Kjötið er af nauti sem hefur eingöngu verið fóðrað á grasi. Kjötið er vel hangið en það fékk 14 daga í meyrnun áður en það var unnið. Takmarkað magn. 

Þú velur þína stærð með því að velja viðeigandi þyngd í fellivalsglugganum hér undir. Kílóverð er 6.290 krónur. Kjötið er frosið.

Við sendum þér steikurnar gegn vægu gjaldi eða þú sækir á afgreiðslustað Matlands á Hrísateig 47 í Reykjavík daginn eftir kaup, síðdegis. Við sendum sms þegar vörur eru klárar til afhendingar. Sendingar út fyrir höfuðborgarsvæðið fara með Samskipum á afgreiðslur um allt land.

Vörunúmer: Á ekki við Flokkar: , Merkimiðar: , , , Vörunúmer:22271

Lýsing

Fyrsta flokks ungnautakjöt frá Tjörn á Mýrum í Hornafirði. Íslenskt gæðanaut.

Innralæri – roast beef

Kílóverð: 6.290 kr.

Ágætt er að miða við 200-250 g á mann í aðalmáltíð.

Frystivara.

Bændurnir

Á bænum Tjörn á Mýrum búa bræðurnir Halldór og Agnar Ólafssynir. Þeir eru ungir að árum en hafa tekið við búskap og rekstri á Tjörn.

Nautabúskapurinn á Tjörn er lítill í sniðum en alls eru á þriðja tug nauta í eldi á bænum. Auk þess eru þeir bræður með kindur. Báðir hafa þeir atvinnu utan búsins. Halldór starfar á býlinu Flatey sem er í hópi stærstu kúabúa landsins en Agnar er vélvirki og sinnir vélaviðgerðum fyrir sveitunga sína ásamt fjölbreyttri vélaverktöku. Agnar hefur um árabil getið sér gott orð fyrir þjálfun á fjárhundum og unnið til verðlauna í smalahundakeppnum.


Halldór og Agnar á kornakri í Hornafirði.

Halldór ber ábyrgð á nautaeldinu á Tjörn en hann er mikill ræktunarmaður og hefur gríðarlegan áhuga á skepnum. Hann skírir öll nautin og þekkir ættir bæði feðra og mæðra út og inn. Það þykir sérstakt við nautin á Tjörn að þau eru mörg fallega hyrnd. Það er áhugamál Halldórs og velur hann nautkálfa meðal annars eftir því hvort foreldrarnir séu með horn. Nautkálfana fá þeir bræður nokkurra vikna gamla frá búinu í Flatey og ala þá á Tjörn í sláturstærð í um tvö ár. Nautin á Tjörn eru eingöngu grasfóðruð en kálfarnir fá mjólk fyrstu vikurnar.


Fjósið í Flatey. Nautkálfarnir á Tjörn eru ættaðir frá kúabúinu í Flatey á Mýrum þar sem Halldór starfar. Þaðan eru þeir fluttir nokkurra vikna gamlir að Tjörn þar sem þeir eru aldir í sláturstærð. Myndir / TB

Næringarinnihald

M.v. 100 grömm af nauta-innralæri:
Orka: 450 kJ, 108 kcal.
Próten: 22,1 g
Fita: 2 g, þ.a. mettaðar fitusýrur 0,7 g og ómettaðar 0,7 g
Kólestról: 61 mg
Kolvetni: 0

Hvernig er best að elda innralæri og útbúa roast beef?

Það er ýmist hægt að heilsteikja innralæri og gera klassískt roast beef eða hluta í steikur. Skerið kjötið í þá þykkt af sneiðum sem henta þínum smekk.

Kryddið eftir smekk. Matland mælir með að nota grófmulinn pipar og flögusalt.

Gefið ykkur góðan tíma til að afþíða kjötið í kæli ef það er frosið, 2-3 dagar er mátulegt. Mikilvægt er að taka út úr kæli a.m.k. klukkutíma áður en eldamennskan hefst og hafa kjötið við stofuhita.

Einföld aðferð við að elda roast beef/innralæri í heilum bitum er að hefja steikingu á mjög heitri pönnu, loka kjötinu með því að steikja upp úr smjöri og olíu. Setjið síðan í ofn við 180°C þar til kjarnhiti nær 55-60°C. Það er líka ágætt að hægelda á minni hita, t.d. 140°C en þá er eldunartíminn vitaskuld lengri. Vefjið kjötið inn í álpappir svo hitinn haldist í því og setjið viskustykki yfir. Látið kjötið hvíla við stofuhita í 10 mínútur áður en það er skorið í sneiðar.

Ef nota á roast beef á samlokur eða í smurbrauðsgerð er kjötið alltaf skorið í örþunnar sneiðar þegar búið er að kæla það yfir nótt.

Kjarnhiti nautakjöts

Lítið steikt / 52-55°
Lítið miðlungs / 55-60°
Miðlungs / 60-65°
Miðlungs mikið / 65-69°
Mikið steikt / 71-75°

Aðrar upplýsingar

Kjötið frá Tjörn er unnið og pakkað hjá Villt og alið á Hellu.

Innihald: Ungnautakjöt – innralæri
Upprunaland: Ísland
Slátrað og unnið á Íslandi.
Alið á Tjörn á Mýrum í Hornafirði.
Framleiðandi: Villt og alið.
Sláturhús nr. A067 – Sláturhús Hellu hf.
Söluaðili: Matfélagið ehf. – Matland.is

Frekari upplýsingar

Innralæri / roastbeef

1104 g, 1128 g, 1200 g, 1258 g, 1268 g, 1286 g

Umsagnir

Það eru engar umsagnir enn.

Ritaðu fyrstu umsögnina um “Roast-beef frá Tjörn”

Netfang þitt verður ekki birt. Nauðsynlegir reitir eru merktir *