Hangersteik af Suðurlandi

Hangersteik úr sunnlenskum ungnautum. Hanger er oft kallaður steik slátrarans. Sagan segir að þeir hafi tekið þennan bita með sér heim að loknum vinnudegi og sagt engum frá hvað hún var mjúk og bragðgóð. Hanger-vöðvinn er einstaklega meyr, oft sagður „verst geymda leyndarmál kjötheimsins.“ Aðeins einn hanger er í hverju nauti en hann er á bilinu 400-1100 g á þyngd. Biti sem sést sjaldan á markaðnum en er stundum á boðstólum í betri veitingahúsum landsins.

Matland býður í takmörkuðu magni upp á hangersteik sem er frá sláturhúsunum á Selfossi og Hellu og unnar hjá Villt og alið ehf. á Hellu. Búið er að snyrta hangersteikina og taka sinina sem liggur eftir vöðvanum endilöngum.

Þú velur þína stærð með því að velja í fellivalsglugganum. Kílóverð er 4.490 krónur. Kjötið er frosið.

Við sendum þér kjötið gegn vægu gjaldi eða þú sækir í verslun Pylsumeistarans á Hrísateig 47 í Reykjavík daginn eftir kaup, seinni part dags. Við sendum SMS þegar varan er tilbúin til afhendingar. Sendingar út fyrir höfuðborgarsvæðið fara með Samskipum á afgreiðslur um allt land.