Lýsing
Íslendingar kölluðu rækjuna „kampalampa“
Rækjuverksmiðjan Kampi á Ísafirði var stofnuð árið 2007 en áður höfðu verið rækjuvinnslur í húsnæðinu í áratugi. Rækjuvinnsla er tæknilega mjög krefjandi og hefur Kampi leitast við að innleiða nýjustu tækni í vinnsluferlinu jafnóðum. Lokaafurðin soðin rækja er tilbúin til neyslu.
Upphaf rækjuveiða við Ísland má rekja til tveggja Norðmanna, Ole G. Syre og Símon Olsen en þeir voru búsettir á Ísafirði. Þeir þekktu hvernig rækjuveiðar voru stundaðar á heimaslóðum sínum og gerðu fyrstu tilraun til rækjuveiða við Ísland árið 1924. Þeir keyptu vélbátinn Hrönn í Noregi og með bátnum kom rækjunót. Rækjuveiðar þeirra gengu vel en féllu niður vegna þess að enginn markaður var fyrir rækjuna. Íslendingar kölluðu rækju á þessum tíma kampalampa. Þær hafa síðan gengið upp og niður æ síðan – útgerðarfyrirtæki komið og farið eins og gengur.
Hnýfill á Akureyri
Fiskverkunin Hnýfill var stofnuð i desember 1995 og hafði aðsetur á Skipatanga á Akureyri. Markmið félagsins er reyking hverskyns sjávarafurða og sala þeirra, einnig saltaðra, þurrkaða og nýrra fiskafurða á nærmarkaði.
Vörurnar sem Hnýfill selur og framleiðir á smásölu- og mötuneytamarkað í reykvörulínunni eru: kofareyktur silungur, lax, og rauðmagi, hrefnukjöt en einnig reykt ýsa og þorskur. Einnig framleiðir fyrirtækið talsvert af gröfnum laxi og rækju.
Innihaldslýsing
Rækja, soðin. Frystivara.
Geymist við -18°C.
Næringargildi í 100 g.:
Orka 433 kJ/103 kkal
Fita 1 g
-þar af mettuð 0,2 g
Kolvetni 0 g
-þar af sykurtegundir 0 g
Trefjar 0 g
Prótein 23,0 g
Salt 1,5 g
Framleiðandi: Hnýfill í Eyjafirði.
