Silkimjúk tómatsúpa með fersku kóríander

Hráefni fyrir fjóra

• 2 kg tómatar
• 4 msk góð ólívuolía
• 4 hvítlauksrif
• 20 g grænmetiskraftur
• 4 dl vatn
• 60 g ferskt kóríander (má skipta út fyrir basilíku)
• 2 tsk salt
• Pipar og meira salt eftir smekk

LEIÐBEININGAR

1. Saxið tómata gróft og setjið í pott.
2. Bætið pressuðum hvítlauk, ólívuolíu, grænmetiskrafti, salti og vatni í pottinn.
3. Látið suðuna koma upp við miðlungshita.
4. Látið krauma í u.þ.b. 10 mínútur eða þar til tómatarnir eru soðnir í sundur.
5. Á meðan er kóríander saxað mjög smátt.
6. Bætið kóríander út í pottinn og látið krauma í 2 mínútur í viðbót.
7. Slökkvið undir pottinum og kælið aðeins.
8. Setjið í matvinnsluvél eða blandara og maukið vel. Líka hægt að nota töfrasprota.
9. Til að fá þessa silkimjúku áferð á súpuna þarf að láta hana renna í gegn um sigti. Þetta er ekki nauðsynlegt.
10. Hitið súpuna upp við vægan hita. Súpuna má líka borða kalda.

GÓÐ RÁÐ

Gott að bera fram með hrærðum sýrðum rjóma eða smá þeyttum rjóma.

Það má nota ferska basilíku í staðinn fyrir ferskt kóríander.