Deila þessari síðu

Hér í Kóngsins Köben er snitzelið oft á kvöldmatseðli en snitzel er órjúfanlegur partur af hinu klassíska danska eldhúsi. Hér á Restaurant Tivolihallen, þar sem ég starfa, höfum við haft þann háttinn á að „drengur“ er settur ofan á steikt snitzelið, en hann samanstendur af; sítrónusneið með „Christiansøpigens Sild“, kapers og skrapaðri piparrót, skreyttri með karsasprettum.

Snitzelið, hvort sem að það er kálfa- eða grísasnitzel, er borið fram með steiktum kartöflum, grænum baunum og brúnni sósu.

Allt er að sjálfsögðu heimagert frá grunni.

Í drengnum er oftast notast við beinlausa síld eða þá ansjósur. Þetta er mjög bragðgott og er fullleyfilegt að nota hvoru tveggja – en ég hef sjálf vanist á að nota „Christiansøpigens-síldina“ enda er hún með eindæmum góð kryddsíld.