Lúðusúpa úr tilraunaeldhúsi Jóns KB

Matreiðslumeistarinn Jón K.B. Sigfússon er maðurinn á bak við flesta fínu réttina sem Friðheimar hafa boðið upp á í áranna rás. Hann á það til að deila myndum úr tilraunaeldhúsinu og gaf Matlandi góðfúslegt leyfi til að birta nokkrar uppskriftir. Eins og sönnum listamanni sæmir skrifar hann fyrirmælin á blaðsnifsi og stundum fylgja teikningar með.

Hér býður Jón upp á lúðusúpu sem er bæði holl og bragðgóð. En fólk verður að hafa frelsi til að aðlaga súpuna að eigin sérvisku og þess vegna eru mælieiningarnar ekki meitlaðar í stein.

Hráefni – fyrir tvo

• 150 g smálúða
• Ólífuolía
• 1 stk. saxaður rauðlaukur
• 3 stk. sneiddar gulrætur
• 3 kartöflur, saxaðar
• 3 þroskaðir tómatar, skornir í teninga
• Svartur pipar
• 2 teningar kjúklingakraftur
• Vatn
• Rjómi
• Rjómaostur með svörtum pipar
• Söxuð basilika
• Karrý eftir smekk

Aðferð

Léttsteikið grænmetið í ólífuolíunni. Allt soðið saman þar til mjúkt. Lúðubitum bætt út í og látið krauma um stund.