Ristaðar svínakótelettur með skyrbernaise

Svínakótelettur eru ljúffengar og safaríkar ef þær eru eldaðar rétt. Hér er uppskrift úr fórum Bjarna Gunnars Kristinssonar matreiðslumeistara. Skyrbernaise-sósan er einstakt leynivopn sem við hvetjum lesendur til að prófa.

Hrá­efni
800-1000 g svínakótelett­ur (4 stk.)

Krydd­lög­ur

• 100 ml maltöl
• 50 ml Sweet soja sósa
• 30 ml ses­a­mol­ía
• 1 stk. kjarn­hreinsaður eldpip­ar (chili)
• safi og börk­ur af ½ lime
• nokk­ur lauf kórí­and­er

Aðferð
Blandið öllu í krydd­lög­inn og hellið yfir svínakótelett­ur­m­ar. Látið kjötið liggja í leginum í a.m.k. 10-15 mínútur fyrir eldun.

Steikið á pönnu eða grillið þar til svínakótelett­urn­ar eru bleik­ar (um 2-3 mínútur á hvorri hlið).

Kryddið til með salti og pip­ar eft­ir smekk.

Skyr­ber­naise

Hráefni

• 2 stk. eggj­ar­auður
• 1 msk Dijons­inn­ep
• 100 ml góð bragðlít­il olía
• 250 ml skyr
• 2 tsk. ber­naise-bragðefni eða 2 msk hvít­vín­se­dik
• safi úr 1 sítr­ónu
• 1stk. saxað hvít­lauksrif
• salt og pip­ar
• 1tsk þurrkað fáfn­is­gras (estragon)
• nokk­ur lauf ferskt fáfn­is­gras

Hrærið eggj­ar­auður í hræri­vél með sinn­ep­inu og bætið ol­í­unni við í mjórri bunu. Setjið skyrið út í og kryddið til með rest­inni af bragðefn­un­um. Geymið í kæli.

Upp­skrift: Eld­um ís­lenskt / Bjarni Gunnar Kristinsson matreiðslumeistari