Lýsing
Framleiðendurnir
Móðir Jörð ehf. í Vallanesi á Fljótsdalshéraði er fyrirtæki í lífrænni ræktun og matvælaframleiðslu. Þar leggja hjónin Eymundur Magnússon og Eygló Björk Ólafsdóttir stund á korn- og grænmetisræktun og framleiða tilbúnar hollustu- og sælkeravörur. Grænmetisveitingastaður og gistihús er starfrækt frá maí – september. Einnig er umfangsmikil skógrækt en á jörðinni er fjöldi trjáa og skjólbelta. Markmið framleiðslunnar er að rækta og nýta hráefni úr nánasta umhverfi staðarins, þróa bragð og rétti sem grundvallast á hráefnum úr jurtaríkinu. Móðir Jörð er samnefnari fyrir hollustu og sælkeralínu okkar sem byggð er á íslensku korni, grænmeti og jurtum.
Eygló og Eymundur í Vallanesi á gulum repjuakri. Mynd / Móðir Jörð.
Hreinleiki er lykilatriði í ræktun og framleiðslu Móður Jarðar, ekki er notast við tilbúinn áburð eða eiturefni og matvörur okkar eru lausar við tilbúin hjálparefni, gervi- og litarefni enda er ræktun og framleiðsla Móður Jarðar vottuð lífræn. Manneldismarkmið eru okkur hugleikin og við leggjum áherslu á kynningu á notkun byggs til manneldis og leggjum síaukna áherslu á vinnslu þess og þróun rétta þar sem þetta úrvals heilkorn kemur við sögu.
Fjölbreytt ræktun er í Vallanesi. Mynd / TB
Starfsemi Móður Jarðar í Vallanesi hefur hlotið ýmsar viðurkenningar í gegnum tíðina. Meðal annars Landbúnaðarverðlaunin árið 2004, Fjöreggið árið 2015 tilnefningu til Umhverfisverðlauna Norðurlandanna. Þá fékk Eymundur heiðursmerki hinnar íslensku fálkaorðu fyrir frumkvæði á sviði búskaparhátta og matvælamenningar árið 2011.
Varan
Bankabygg, 1 kg
Best fyrir: Sjá á umbúðum
Næringargildi í 100g af ósoðnu Bankabyggi er u.þ.b:
Orka 1450 kJ / 346 kcal
Prótein 12 g.
Kolvetni 64 g.
Fita 2 g, þar af mettaðar fitusýrur 0,4 g.
Trefjar 10 g, þar af beta-glúkanar 3 g.
Natríum 0,02 g.
Járn 2 mg.
Þíamín (B1-vítamín) 0,3 mg.
Upprunaland: Ísland
Pökkun og dreifing: Móðir Jörð, Vallanesi
Framleiðandi: Móðir Jörð ehf. í Vallanesi.
