Lýsing
Afhending á fimmtudögum
Tómatsúpan, basilíkan og brauðið er keyrð út til viðskiptavina seinni part dags á fimmtudögum. Verð fyrir heimsendingu á höfuðborgarsvæðinu er 1.350 kr. Einnig er hægt að sækja poka, sem búið er að panta, síðla fimmtudags (eftir kl. 16.00) til Matlands, Hrísateig 47, í Reykjavík. Matland sendir símaskilaboð (SMS) til kaupenda rétt áður en vörurnar eru klárar til afhendingar.
Þeir sem búa utan höfuðborgarsvæðisins fá vörurnar sendar með vöruflutningabílum Samskipa. Vörurnar eru þá til afgreiðslu á föstudögum á afgreiðslustöðum Samskipa um allt land. Verð fyrir sendingu með innanlandsdeild Samskipa er 1.950 kr.
Panta þarf súpuna ásamt meðlæti fyrir dagslok á miðvikudögum.
Framleiðendurnir
Tómatsúpan frá Friðheimum er löngu orðin landsþekkt. Rjúkandi góð með nýbökuðu brauði jafnt sem forréttur eða aðalréttur, heit sem köld. Súpan er tilbúin og þarf bara að hita hana upp. Það er ljúffengt að setja eina matskeið af sýrðum rjóma ofan í súpuna og að sjálfsögðu nokkur lauf af basilíku.
Basilíkan er ræktuð í gróðrarstöðinni Ártanga í Grímsnesi af hjónunum Sigurdísi Eddu Jóhannesdóttur og Gunnari Þorgeirssyni. Þau hafa ræktað kryddjurtir frá árinu 2013 sem eru rómaðar fyrir gæði. Basilíkan er í litlum potti og þú getur haldið lífi í plöntunni.
Brauð & co opnuðu dyrnar árið 2016 í litlu húsnæði á Frakkastíg í Reykjavík. Síðan þá hefur starfseminni vaxið fiskur um hrygg og nú eru útsölustaðir Brauð & co orðnir 8 talsins um allt höfuðborgarsvæðið. Hjá Brauð & co er boðið upp á nýbakað súrdeigsbrauð og annað bakkelsi úr sérvöldu lífrænt ræktuðu hágæðahráefni. Þú getur náð í brauðið með súpunni á eftirtöldum stöðum:
Hrísateig 47 í Reykjavík
Frakkastíg 16
Fákafeni 11
Melhaga 22
Laugavegi 180
Bíldshöfða 18
Akrabraut 1 í Garðabæ
Nýbýlavegi 12 í Kópavogi
Jón K.B. Sigfússon kokkur í Friðheimum á heiðurinn af tómatsúpunni sem hefur slegið í gegn hjá gestum Friðheima.
Helena Hermundardóttir og Knútur Rafn Ármann, bændur í Friðheimum, eru frumkvöðlar í móttöku gesta á íslensk bændabýli. Þau reka eitt stærsta tómatabýli landsins og taka á móti tugþúsundum gesta ár hvert. Mynd / TB
Varan
- Tómatsúpa frá Friðheimum, 1/2 lítri í glerflösku. Þú getur valið um eina flösku (hálfur líter), tvær flöskur (einn líter), eða þrjár flöskur (1,5 lítrar). Kælivara.
- Basilíka frá Ártanga, 1 pottur
- 1 brauðhleifur frá Brauði & co.
Upprunaland: Ísland
Pökkun og dreifing: Sölufélag garðyrkjumanna og Matland. Dreifing utan höfuðborgarsvæðisins er á vegum Samskipa.
Framleiðendur: Friðheimar, Ártangi og Brauð & co.
Afhendingarstaður fyrir þá sem sækja vöruna eftir kl. 16 á fimmtudögum: Afhendingarstaður Matlands, Hrísateig 47 í Reykjavík.
