Reykt og fulleldað Ölnautsbrisket frá Hvammi

Matland býður upp á reykt, fulleldað brisket af Ölnautunum frá Hvammi í samvinnu við Gæði ehf. Kjötið tekur langan tíma í eldun en þú þarft ekki að gera annað en að hita bitann upp í hálftíma eftir að heim er komið.

Brisket er einn seigasti bitinn á nautinu og þarf að elda lengi. Ef allt er rétt gert verður hann mjúkur eins og smjör og einstaklega safaríkur. Það er unaður að skera gott brisket í þunnar sneiðar og snæða með hrásalati, kaldri sósu, bakaðri kartöflu og rótargrænmeti.

Brisketið fær að liggja í kryddpækli áður en það er reykt í Traeger-smoker með eplavið í 4 klst. við 150°C til að fá hámarks reykbragð. Að lokum er það “confit-eldað” í sous-vide ásamt nautatólg í 12 klst. við 85°C til að tryggja mýkt og mikinn safa í kjötinu. Þegar þú færð kjötið í hendur er það í sous-vide poka. Bitinn er tekinn úr pokanum og settur í eldfast mót sem fer í ofn. Hitið í ofni við 150-170°C í um 30 mínútur, eða þar til innri hiti kjötsins hefur náð að minnsta kosti 60°C. Þá ert hin fullkomna brisketveisla tilbúin!

Við bjóðum upp á fulleldaða bita og þú velur þinn bita hér undir í fellivalinu. Kílóverð: 12.290 kr. Geymslutími í kæli er til 20. nóv.

Takmarkað magn.

Matland sendir þér kjötið gegn vægu gjaldi eða þú sækir í til Matlands á Hrísateig 47 í Reykjavík daginn eftir kaup eða samdægurs ef pantað er fyrir hádegi. Matland sendir sms þegar varan er tilbúin til afhendingar. Sendingar út fyrir höfuðborgarsvæðið fara með Samskipum á afgreiðslur um allt land.

Lýsing

Fyrsta flokks kjöt af ungnautum frá Hvammi í Ölfusi. Nautin fá bjórhrat alla sína ævi og hreinan bjór síðustu vikurnar í eldinu sem eykur matarlyst. Fyrir vikið eru nautin í Hvammi vel í holdum.

Hægeldað nautabrjóst/Brisket. Kílóverð: 12.290 kr.

Fullelduð vara.

Leiðbeiningar um upphitun

Gott er að taka kjötið úr kæli 2 klukkustundum áður en það er hitað, þannig nær það herbergishita og eldist jafnar.

Takið kjötið varlega úr pokanum og setjið það ásamt vökvanum í eldfast mót. Hitið í ofni við 150-170°C í um 30 mínútur, eða þar til innri hiti kjötsins hefur náð að minnsta kosti 60°C. Best er að hafa álpappír yfir mótinu til að koma í veg fyrir að kjötið þorni. Eftir að kjötið er tekið úr ofninum er gott að láta það hvíla í vökvanum í 10–15 mínútur áður en það er borið fram.

Önnur aðferð – Sous Vide
Setjið vatn í ílát og stillið hitann á 85–90°C á sous vide tækinu. Leggið pokann með kjötinu ofan í vatnið og látið hitna þar við stöðugan hita í 30–40 mínútur.

Takið síðan pokann varlega upp úr og leyfið kjötinu að hvíla í honum í 10–15 mínútur áður en hann er opnaður.

Vökvinn sem verður eftir eftir eldunina er einstaklega bragðgóður og má nýta á marga vegu. Hann hentar vel til að halda kjötinu röku við eldun eða sem grunnur í sósur og pottrétti. Gott er að sigta vökvann og geyma hann í kæli yfir nótt; næsta dag má taka fituna af yfirborðinu. Fituna má síðan nota við steikingar – hún bætir bragð og gefur dýpt í flesta rétti.

Það er búið að skrifa margar bækur um hið fullkomna brisket.

Hægeldað nautabrjóst sett í reyk á grilli.

Bændurnir

Í Hvammi búa bændurnir Pétur Benedikt Guðmundsson og Charlotte Clausen. Sonur þeirra Davíð Clausen er kjötiðnaðarmaður og sér um nautaeldið. Davíð er í landsliðshópi kjötiðnaðarmanna.

Bændurnir í Hvammi; Davíð, Pétur og Charlotte.

Félagarnir Halldór, sem er matreiðslumaður, og Davíð, kjötiðnaðarmaður, hjá Gæðum ehf. eiga heiðurinn af eldaða brisketinu sem Matland býður upp á.

Pækillinn sem brisketið er lagt í fyrir reykingu inniheldur salt, kryddblöndu (salt, þurrkaður laukur, þurrkaður hvítlaukur, náttúruleg smjörbragðefni (innihalda mjólk), rauð paprika, steinselja, gerþykkni, túrmerik, sólblómaolía og krydd.

Aðrar upplýsingar

Innihald: Ungnautakjöt, fulleldað brisket
Upprunaland: Ísland
Slátrað og unnið á Íslandi.
Alið í Hvammi í Ölfusi
Vinnsla og skurður: Ferskar kjötvörur
Framleiðandi: Gæði ehf.
Sláturhús: SS á Selfossi
Söluaðili: Matfélagið ehf. – Matland.is

Frekari upplýsingar

Brisket, þyngdir	824 g, 841 g, 879 g, 896 g, 897 g, 903 g, 946 g, 1029 g, 1037 g, 1047 g, 1060 g, 1087 g, 1105 g, 1109 g, 1115 g, 1128 g, 1129 g, 1172 g, 1181 g, 1197 g, 1198 g, 1213 g, 1219 g, 1229 g, 1236 g, 1258 g, 1323 g, 1329 g, 1342 g, 1364 g, 1389 g, 1478 g, 1494 g, 1499 g, 1769 g

Umsagnir

Það eru engar umsagnir enn.

Ritaðu fyrstu umsögnina um “Reykt og fulleldað Ölnautsbrisket frá Hvammi”

Reykt og fulleldað Ölnautsbrisket frá Hvammi