Lýsing
Á Matlandi er boðið upp á grænmetiskassa frá íslenskum bændum. Úrvalið er breytilegt eftir því hvað er til hverju sinni en við auglýsum innihald í hverjum kassa með fyrirvara. Oft á tíðum eru einhverjar vörur í kassanum sem ekki er almennt að finna í stórmörkuðum, t.d. vegna lítillar framleiðslu.
Afhending
Grænmetiskassa #13 verður dreift síðla fimmtudags (eftir kl. 15.00) á afhendingarstað Matlands á Hrísateig 47 í Reykjavík. Matland sendir símaskilaboð (SMS) til kaupenda rétt áður en kassarnir eru klárir til afhendingar. Við keyrum kassana út síðdegis og um kvöldið til þeirra sem óska eftir heimsendingu. Verð fyrir heimsendingu á höfuðborgarsvæðinu er 1.450 kr.
Þau sem búa utan höfuðborgarsvæðisins fá kassana senda með vöruflutningabílum Samskipa. Kassarnir eru þá til afgreiðslu á föstudögum á afgreiðslustöðum Samskipa um allt land. Verð fyrir sendingu með innanlandsdeild Samskipa er 1.950 kr.
Framleiðendurnir
Bændur sem framleiða grænmeti í kassa #13 eru Biobóndinn, Lambhagi, Friðheimar, Flúðasveppir, Flúðajörfi, Heiðmörk og Gufuhlíð. Margir þeirra eru innan vébanda Sölufélags garðyrkjumanna. Upplýsingar um innleggjendur hjá SFG er að finna hér.
Áskrift borgar sig
Það er ódýrara að skrá sig í áskrift. Matland dreifir grænmetiskössum á Hellu, Hvolsvelli, Borgarnesi, Selfossi, Blönduósi, Egilsstöðum, Ísafirði, Siglufirði, Sauðárkróki, Dalvík, Vík í Mýrdal, Neskaupstað, Reykjanesbæ og á fimm afhendingarstöðum Pikkoló á höfuðborgarsvæðinu, í Breiddinni og Hæðasmára í Kópavogi, á Hlemmi, við Háaleitisbraut og í Vatnsmýrinni í Reykjavík. Til þess að fá kassa afhenta þar þarf að skrá sig í áskrift. Það er auðvelt að breyta henni á „þínu svæði“ inni á vefnum okkar. Áskrift þarf að skrá fyrir kl. 15 á mánudögum til að fá kassa á fimmtudegi (miðvikudögum þegar fimmtudagur er rauður dagur) og föstudegi.
Áskrifendur geta líka nálgast kassann á afgreiðslustað Matlands á Hrísateig 47 og í Brauð & co í Vesturbæ, fengið heimkeyrslu eða sent með Samskipum um allt land. Sjá nánar um áskrift hér.
Hægt er að panta grænmetiskassa til kl. 15 á mánudögum.
Varan
Auka-grænmetiskassi #13
- Sætar paprikur frá Flúðajörfa, 3 stk.
- Kastanínusveppir frá Flúðasveppum, 1 pk
- Lífrænar kartöflur frá Biobóndanum í Litlu-Hildisey – eldrauðar og Langi Seli, 1 kg
- Tómatar frá Friðheimum, 500 g
- Gúrka frá Gufuhlíð, 2 stk.
- Rófa frá Þórisholti, 2 stk.
Í kassanum eru sumar vörurnar í umbúðum og aðrar ekki. Matland vill lágmarka umbúðanotkun en stundum er grænmetið innpakkað til þess að varðveita gæði. Það getur komið fyrir að við tiltekt verði breytingar á innihaldi kassans, m.a. vegna þess að vara sé uppseld eða ekki til. Þá áskilur Matland sér að skipta viðkomandi vöru út fyrir aðra.
Upprunaland: Ísland
Pökkun og dreifing: Matland. Dreifing utan höfuðborgarsvæðisins er á vegum Samskipa.
Framleiðendur: Sólskins, Lambhagi, Flúðasvepppir, Ártangi, Flúðajörfi, Hveratún, Gufuhlíð og Þórisholt. Nokkrir bændur úr hópnum eru innan vébanda Sölufélags garðyrkjumanna. Upplýsingar um innleggjendur hjá SFG er að finna hér.
Afhendingarstaður fyrir þá sem sækja vöruna eftir kl. 15 á fimmtudag: Afhendingarstaður Matlands, Hrísateig 47 í Reykjavík.
