Lýsing
Búskapurinn
Á Snorrastöðum í Kolbeinsstaðarhreppi hinum forna á Snæfellsnesi hafa verið haldnar geitur síðan árið 2014. Þær hafa ávallt verið í uppáhaldi hjá bóndasyninum Magnúsi Kristjánssyni sem ákvað, þegar hann var í bændadeildinni á Hvanneyri, að fá sér þrjár geitur. Í dag eru geiturnar orðnar 17 talsins og sér hann um þær ásamt kærustunni sinni henni Elise Calesse. Geiturnar eru á húsi yfir vetrartímann en ganga við opið nema í verstu veðrum. Yfir sumartímann ganga þær til skiptis í beitarhaga heima við bæ og í Eldborgarhrauni í kjarri og birkiskógi.
Geitunum er beitt í samræmi við aðferðir auðgandi landbúnaðar þar sem skepnurnar eru færðar reglulega á milli beitarhólfa. Með því er leitast við að hámarka velferð dýranna og fara vel með jarðveg og plöntur. Kiðlingarnir koma í heiminn á vorin og þeir sem ekki eru settir á er slátrað að hausti. Að því leyti líkist geitabúskapurinn sauðfjárbúskap.
Bændurnir á Snorrastöðum láta slátra hjá Sláturfélagi Suðurlands en kjötið er unnið í heimavinnslunni á Grímsstöðum í Reykholtsdal í viðurkenndri kjötvinnslu.
Á Snorrastöðum er blandaður búskapur og vegur kúabúskapur þar þyngst.
Aðrar upplýsingar
Innihald: Geitakjöt, kið, hryggur.
Upprunaland: Ísland, slátrað og unnið á Íslandi.
Alið á Snorrastöðum
Framleiðandi: Grímsstaðir í Reykholtsdal
Sláturhús: Sláturhús SS á Selfossi.
Söluaðili: Matfélagið ehf. – Matland.is
