Skip to content Skip to footer

Hornfirskar kartöflur – Helga – 5 kg

2.090 kr.

Matland býður upp á 5 kg poka af kartöflutegundinni Helgu. Afbrigði sem mörgum finnst bestu matarkartöflurnar.

5 kg af millistórum kartöflum frá Seljavöllum í Hornafirði.

Við afhendum kartöflurnar á fimmtudögum á milli kl. 16 og 18 í verslun Pylsumeistarans við Hrísateig. Panta þarf fyrir dagslok á þriðjudögum. Þeir viðskiptavinir sem óska eftir heimsendingu fá vöruna síðdegis eða um kvöldmatarleytið á fimmtudögum.

Flokkar: , Vörunúmer:19681

Lýsing

Kartöflur frá Seljavöllum í Hornafirði.

5 kg af Helgu. Kílóverð 418 kr.

Millistórar (ekkert smælki og engar stærri en 45 mm)

Kartöflurnar frá Seljavöllum koma í 5 kg netapokum. Best er að geyma þær á svölum og myrkum stað.

Afhending

Kartöflurnar úr Hornafirði eru sendar til Reykjavíkur einu sinni í viku og afhentar á fimmtudögum á milli kl. 16-18 í verslun Pylsumeistarans. Til þess að fá kartöflur næsta fimmtudag þarf að panta fyrir dagslok á þriðjudögum.

Kartöfluafbrigðið Helga

Helga er stökkbreytt afbrigði af tegundunum Gullauga og Eyvindi. Helgan er hnöttótt en stundum dálítið aflöng. Hún er með rauðbleikt hýði og gul að innan. Helgan er þurrefnarík og margir telja hana bestu íslensku matarkartöfluna.

Helga er talin hafa myndast vegna stökkbreytingar á Gullauga og svipar mjög til þess nema hvað hýðið er rautt. Helga Gísladóttir húsfreyja í Unnarholtskoti í Hrunamannahreppi fann um 1930 rauðleitar kartöflur í garði þar sem hún ræktaði afbrigðin Eyvind og Gullauga. Hún tók þessar kartöflur frá og ræktaði upp af þeim nýtt afbrigði sem er nefnt eftir henni.

Bændurnir

Bændurnir Hjalti Egilsson og Birna Jensdóttir á Seljavöllum í Nesjum í Hornafirði hafa getið sér gott orð fyrir kartöflurækt. Þau eru rækta kartöflur á rúmum 8 hekturum lands. Hluti af görðunum er undir ábreiðum svo kartöflurnar vaxi hraðar og komi fyrr á markað. Hornafjörðurinn hefur mikla sérstöðu í íslenskri kartöflurækt þar sem bændur hafa passað upp á að vera eingöngu með eigið útsæði. Þannig hafa þeir náð að halda ýmsum kartöflusjúkdómum víðs fjarri í gegnum árin.


Hjalti Egilsson bóndi á Seljavöllum með glænýjar kartöflur. Myndir / TB


Byggingar kartöflubændanna á Seljavöllum í Nesjum.

Varan

Kælivara. Geymist á svölum og skuggsælum stað.

Innihald: 5 kg af nýjum kartöflum, millistórar Helgur.
Upprunaland: Ísland
Framleiðandi: Seljavallabúið
Söluaðili: Matfélagið ehf. – Matland.is

 

Umsagnir

Það eru engar umsagnir enn.

Ritaðu fyrstu umsögnina um “Hornfirskar kartöflur – Helga – 5 kg”

Netfang þitt verður ekki birt. Nauðsynlegir reitir eru merktir *

Þér gæti einnig líkað við…

Fréttabréf

Skráðu þig til að fá fréttabréf Matlands í tölvupósti.

Please wait...

Takk fyrir skráninguna!

Matland.is © 2022. Allur réttur áskilinn –  Kaupskilmálar

Visa - Mastercard