Skip to content Skip to footer

Rabarbari frá Löngumýri – 3 kg

2.340 kr.

Matland býður upp á rabarbara frá Löngumýri á Skeiðum. Þrjú kíló af þvegnum rabarabara í bitum. Pakkað í lofttæmdar umbúðir.

3 kg af brytjuðum rabarbara. Verð pr. kg er 780 kr. Samtals 2.340 kr. pokinn.

Rabarbarinn er frosinn.

Afhending hjá Matlandi á Hrísateig 47 daginn eftir að pantað er og samdægurs ef pantað fyrir hádegi. Keyrt út síðdegis og fram á kvöld til viðskiptavina sem kjósa heimsendingu. Sendum út á land fyrir fasta upphæð, kr. 1.950, óháð magni. Upplagt að versla meira á Matlandi til þess að nýta ferðina. Við sendum SMS til að minna viðskiptavini á að sækja.

3 á lager

Flokkur: Vörunúmer:40181

Lýsing

Hér undir er uppskrift að rabarbarasultu frá Leiðbeiningamiðstöð heimilanna.

Rabarbarasulta

Hráefni
1 kg rabarbari
600 g strásykur
200 g púðursykur (dökkur)

Aðferð
Rabarbarinn er þveginn og þurrkaður. Brytjaður niður í frekar smáa bita og hýði sem er orðið brúnt fjarlægt.

Sett lagskipt á móti sykri í góðan pott. Suðan látin koma upp og soðið við vægan hita þangað til sultan fer að þykkna.

Ágætis viðmið er, að ef trésleif er stungið í miðjan pottinn og hún stendur kyrr, þá ætti sultan að vera fullsoðin.

Sultan sett í vel hreinsaðar krukkur, lokað strax og geymd á köldum stað.

Gott ráð ef rabarbarinn og sykurinn er sett í pott deginum áður en sultan er soðin þarf hún skemmri suðutíma.

Ef þú vilt gera rabarbaragraut þá er uppskrift hér.

Framleiðandinn

Kjartan H. Ágústsson hefur ræktað rabarbara á Löngumýri á Skeiðum í marga áratugi. Í ár er 53 árið sem hann stendur vaktina en Kjartan var 16 ára gamall þegar hann byrjaði að skera rabarbara og selja. Núna uppsker hann um 6-8 tonn af rabarbara á hverju sumri og selur mest af magninu í sultugerð.

Yrkið sem Kjartan ræktar kallast Queen Victoria, kemur upphaflega frá Bretlandi og er kennt við Victoriu, dóttur hertogans af Kent, sem síðar var krýnd drottning. Yrkið er stórvaxið með græna stöngla og gefur mikla uppskeru en þykir súrt.

„Fyrst þarf að taka hann upp og brjóta blöðkuna af og eftir að rabarbarinn kemur í hús er hællinn eða hófurinn skorinn af. Því næst er hann þveginn og stærstur hluti hans brytjaður í tveggja sentímetra bita auk þess sem ég sel lítinn hluta hans í heilum stilkum,“ sagði Kjartan í viðtali við Vilmund Hansen, blaðamann hjá Bændablaðinu, fyrir nokkrum árum.

Fyrirtæki í sultuframleiðslu kaupa stærstan hluta uppskerunnar en rabarbarinn er þó nýttur í ýmislegt annað; m.a. í líkjöragerð, karmellur og grauta. Í rabarbararæktinni hjá Kjartani er hvorki notað skordýra- né illgresiseitur.

Þér gæti einnig líkað við…