T-beinssteik frá Holti

Þykkar T-beinssteikur frá bænum Holti í Álftaveri í Vestur-Skaftafellssýslu.

Skrokkarnir fengu að hanga í 14 daga sem gerir kjötið meyrara. Kjötmeistararnir hjá Villt & alið á Hellu skáru kjötið, snyrtu og pökkuðu.

Frystivara.

Kílóverð er 7.990 krónur. Veldu þá þyngd sem hentar þér í fellivalinu hér undir og settu svo í körfuna.

Við sendum þér kjötið gegn vægu gjaldi eða þú sækir til Matlands á Hrísateig 47 í Reykjavík daginn eftir kaup eða samdægurs ef pantað er fyrir hádegi. Við sendum sms þegar vörurnar eru tilbúnar til afhendingar. Sendingar út fyrir höfuðborgarsvæðið fara með Samskipum á afgreiðslur um allt land.

Lýsing

T-beinssteik. Kílóverð: 7.990 kr. Frystivara.

Bændurnir

Í Holti í Álftaveri í Skaftárhreppi reka tvær kynslóðir blandað bú með mjólkurkýr, sauðfé og holdagripi ásamt hrossum. Ábúendur í félagsbúinu Holti eru Konný Sif Gottsveinsdóttir, Þorbergur Jónsson, Gottsveinn Eggertsson og Svana Sigurjónsdóttir.

Nautgripir í Álftaveri. Mynd / TB

Hvernig er best að elda T-beinssteik?

Það eru ýmsar aðferðir við að elda T-beinssteik. Hægt er að steikja á pönnu, elda í ofni eða grilla. Gefið ykkur góðan tíma til að afþíða kjötið í kæli ef það er frosið. Mikilvægt er að taka steikina út úr kæli a.m.k. hálftíma áður en eldamennskan hefst og hafa kjötið við stofuhita.

Ef pönnusteikt þá er gott að hita pönnuna upp á meðalhita. Berið lítilsháttar olíu á steikina og saltið og piprið eftir smekk. Hækkið þá hitann á pönnunni og skellið steikinni á ásamt vænni smjörklípu eða nautatólg. Snúið steikinni þegar hún er orðin vel brúnuð. Mælt er með því að nota kjöthitamæli og hætta þegar hann sýnir 52°C fyrir medium-rare. Fyrir mjög þykkar steikur er ráðlegt að klára eldunina í ofni. Hvílið steikina í a.m.k. 6-8 mínútur eftir eldun og skerið síðan af beininu og í sneiðar.

Við grillun er fylgt sömu ráðum en mikilvægt að nota kjöthitamæli til að fylgjast með hitastiginu. Munið að steikin heldur áfram að eldast í hvíldinni og því ráðlegt að hætta grillun aðeins áður en æskilegu kjarnhitastigi er náð.

Kjarnhiti nautakjöts

Lítið steikt / 52-55°
Lítið miðlungs / 55-60°
Miðlungs / 60-65°
Miðlungs mikið / 65-69°
Mikið steikt / 71-75°

Næringarinnihald

M.v. 100 grömm af millifeitu steiktu nautakjöti:
Orka: 765 kJ, 183 kcal.
Próten: 24,3 g
Fita: 9,5 g, þ.a. mettaðar fitusýrur 4 g og ómettaðar 4,2 g
Kólestról: 72 mg
Kolvetni: 0

Aðrar upplýsingar

Ungnautakjöt frá bænum Holti í Álftaveri. Unnið og pakkað hjá Villt & alið ehf. á Hellu.

Innihald: T-beinssteik, þykk 50 mm
Upprunaland: Ísland, slátrað og unnið á Íslandi.
Framleiðandi: Villt & alið ehf.
Sláturhús: Sláturhúsið á Hellu
Söluaðili: Matfélagið ehf. – Matland.is

Frekari upplýsingar

Þyngdir í boði	648 g, 648 g, 648 g, 704 g, 756 g, 768 g, 830 g, 834 g, 834 g, 888 g, 980 g, 1012 g, 1012 g

Umsagnir

Það eru engar umsagnir enn.

Ritaðu fyrstu umsögnina um “T-beinssteik frá Holti”

T-beinssteik frá Holti