Lýsing
Mjólk frá Fjölskyldubúinu Gunnbjarnarholti.
Hreppamjólk. Lítraverð: 395 kr. Kælivara.
Arnar Bjarni Eiríksson og Berglind Bjarnadóttir voru kornung þegar þau hófu búskap árið 1988 með um 20 kýr. Á jörð þeirra hefur verið stundaður kúabúskapur síðan 1789 af sömu fjölskyldu, forfeðrum Arnars í sjö ættliði. Uppbyggingin hefur verið mikil og nú áratugum síðar hafa þau ásamt fjölskyldu sinni byggt yfir um 500 gripi í Gunnbjarnarholti, þar af um 230 mjólkandi kýr í einu fullkomnasta fjósi landsins. Fyrir nokkru hófu þau markaðssetningu á mjólkurvörum frá Gunnbjarnarholti undir heitinu Hreppamjólk en Margrét dóttir þeirra fer fyrir þeim hluta starfseminnar á búinu.
Þórhildur Arnarsdóttir kynnir vörur frá Hreppamjólk. Mynd / Matland
Fjósið í Gunnbjarnarholti er engin smásmíði. /Myndir úr einkasafni.
Velferð kúnna er í fyrirrúmi í fjósinu í Gunnbjarnarholti og þess gætt að kýrnar njóti besta atlætis og aðbúnaðar sem völ er á. Í hluta byggingarinnar er mjólkurbú þar sem m.a. er framleidd neyslumjólk, skyrdrykkir, jógúrt og rjómi. Við veginn neðan við fjósið er lítil verslun með sjálfsölum þar sem hægt er að kaupa mjólkurvörur frá búinu, s.s. Hreppamjólk, skyrdrykki og ís. Kjötið frá Gunnbjarnarholti, sem fæst á Matlandi, er af holdablendingum í lítilli hjörð sem bændurnir hafa ræktað síðustu ár.
Næringarinnihald:
Orka: 289 kJ, 69 kcal.
Prótein: 3,3 g
Fita: 4,2 g, þ.a. mettuð 2,5 g
Kolvetni: 4,5 g, þar af sykurtegundir 4,5 g
Salt: 0,10 g
Aðrar upplýsingar
Mjólkin frá Gunnbjarnarholti er unnin og pakkað í Gunnbjarnarholti.
Innihald: Ófitusprengd, gerilsneydd mjólk. Best fyrir: Sjá tappa.
Upprunaland: Ísland
Bú: Gunnbjarnarholt
Framleiðandi: Fjölskyldubúið ehf. Gunnbjarnarholti, 804 Selfoss.
Söluaðili: Matfélagið ehf. – Matland.is
Umsagnir
Það eru engar umsagnir enn.