Lýsing
Framleiðendurnir
Villt að vestan er fjölskyldufyrirtæki í Önundarfirði sem er rekið af Eyvindi Atla Ásvaldssyni og Sæbjörgu Freyju Gísladóttur frá Flateyri. Saman hafa þau unnið að þróun og framleiðslu á sósum úr íslenskum sveppum síðustu misseri.
“Hugsun okkar var sú að opna á fleiri nýtingarmöguleika í skógrækt og að skógarbændur geti selt sveppi sem þeir tína eða selt öðrum aðgang að sveppatínslusvæðum. Sjálfbær sveppatínsla með virðingu fyrir náttúrunni er okkar leiðarljós. Sveppina fyrir sósurnar tínum við að miklu leyti sjálf en kaupum líka af skógarbændum eða fólki sem tínir fyrir okkur. Til dæmis eru lerkisveppirnir í sósunum frá Hringveri í Skagafirði,” segir Sæbjörg.
Upphaflega spratt hugmyndin að sveppasósum út frá því að Sæbjörg tíndi alltof mikið af sveppum í beitarskógi í Önundarfirði. Eitthvað varð að gera við þá, og jafnframt að sjá til þess að Sæbjörg gæti tínt enn fleiri sveppi, og upp úr því bjó Eyvindur til uppskriftina fyrir pakkasósurnar með lerki- og furusveppum.
Eyvindur og Sæbjörg í sveppatínslu í vestfirskri náttúru. Mynd: Haukur Sigurðsson
Villt að vestan hefur hlotið styrki til þróunar, m.a. frá Högum, Uppbyggingarsjóði Vestfjarða og Þróunarsjóði Flateyrar.
Leiðbeiningar
1) Setjið 1 dl af vatni og 2 dl af rjóma í pott.
2) Bætið þurrblöndunni við.
3) Hrærið í á meðan hitað er að suðu.
4) Látið malla í 5 mín. á lágum hita.
5) Berið fram.
Þau sem vilja styrkja sósuna geta bætt við soði úr eldamennskunni, steikt sveppi eða sett auka smjörklípu í sósuna áður en hún er borin fram.
Varan
Sveppasósa. Flúðasveppir.
Nettómagn: 21,7 g.
Næringargildi í 100 g:
Orka: 1326 kJ, 313 kkal
Fita: 0,4 g., þar af mettaðar fitusýrur 0,1 g
Kolvetni: 65 g
Þar af sykurteg. 10,0 g
Trefjar: 5,4 g
Prótein: 20 g
Salt: 11 g
Innihaldslýsing: Sósujafnari, (kartöflusterkja, mjólkursykur, maltódextrín, hrísmjöl), Flúðasveppir 18%, lambakraftur (lambakjöt, hvítlaukur, tómatar, kryddjurtaþykkni, glúkósasíróp, salt, gerþykkni, bragðefni, sykur, rapsolía), sveppakraftur, (sveppaþykkni, maltódextrín, salt, gerþykkni, glúkósasíróp, bragðefni, sólblómaolía), timían, sýra (sítrónusýra), hvítlauksduft.
Ofnæmis- og óþolsvaldar: Mjólkursykur.
Upprunaland: Ísland
Pökkun og dreifing: Villt að vestan.
Framleiðendur: Villt að vestan, 425 ehf. Hafnarbakki 8, 425 Flateyri.
