Lýsing
Hvernig er best að matreiða svið?
Það er ekki flókið að sjóða svið. Þú þarft bara að hafa rúmgóðan pott, kalt vatn og 1 msk salt við hendina. Þau sem vilja vera flott á því setja 1-2 lárviðarlauf í pottinn ásamt 8-10 piparkornum (hér er miðað við suðu á 2 sviðum, alls 4 kjömmum).
Þíðið sviðin í kæli ef þau eru frosin. Skolið svið undir vatni og setjið í pott ásamt lárviðarlaufi, piparkornum og 1 msk af salti. Vatni hellt í pottinn, svo miklu að rétt fljóti yfir sviðin. Hitað að suðu og froða fleytt ofan af. Sviðin eru svo látin sjóða við fremur hægan hita í rúmlega 1 klst, eða þar til þau eru meyr. Þá eru kjammarnir teknir upp úr og látið renna vel af þeim. Bornir fram heitir eða kaldir með kartöflustöppu, soðnum gulrótum og rófustöppu.
Það er smekksatriði hvort fólk borðar sviðin köld eða heit.
Næringarinnihald
M.v. 100 grömm af sviðum (ætum hluta):
Orka: 1180 kJ, 282 kcal.
Prótein: 19,4 g
Fita: 9,8 g
Kólestról: 85 mg
Kolvetni: 0
Aðrar upplýsingar
Sviðin eru unnin og pakkað hjá Fjallalambi á Kópaskeri.
Innihald: 1 stk. verkaður dilkasviðahaus, sagaður í tvennt.
Upprunaland: Ísland
Slátrað og unnið á Íslandi.
Alið í N-Þingeyjasýslu
Framleiðandi: Fjallalamb, Röndinni 3, 670 Kópaskeri
Sláturhús: Fjallalamb á Kópaskeri
Söluaðili: Matfélagið ehf. – Matland.is
