Lýsing
Bændurnir
Stefán Geirsson og Silja Rún Kjartansdóttir búa í Gerðum í Flóa ásamt dætrum sínum. Þar á bæ byggir búreksturinn aðallega á mjólkurframleiðslu en nautakjötsframleiðsla hefur verið snar þáttur í rekstrinum síðustu 10 ár. Samhliða eldi nauta af mjólkurkúakyni er lítil hjörð gripa af Aberdeen Angus stofni til að auka framboð á gæðagripum til slátrunar.
Sláttur í Flóa. Lykillinn að góðu nautaeldi er að vera með orku- og næringarríkt heimaaflað fóður.
Eldunarleiðbeiningar
Takið kjötið út úr kæli a.m.k. 30- 45 mínútur áður en eldun hefst. Byrjaðu á því að þerra bitann og pipra og salta. Önnur krydd eftir smekk, s.s. rósmarín eða timian. Hvítlaukur alltaf góður.
Því næst er bitinn settur á snarpheita pönnu og steiktur á öllum hliðum þar til brúnaður (1-2 mínútur á hverri hlið).
Sitt sýnist hverjum um ofnhita og lengd eldunar. Við mælum með hægri eldun við 120°C. Gefið ykkur góðan tíma í verkið, a.m.k. 4 klst., eða þar til kjötið er orðið algjörlega mjúkt. Hafið örlítið af vatni í fatinu og lok á. Passið upp á safann og ausið reglulega soði yfir bitann.
Látið kjötið hvíla í 10-15 mínútur með álpappir ofan á og viskustykki áður en skorið er í sneiðar.
Næringarinnihald
M.v. 100 grömm af millifeitu steiktu nautakjöti:
Orka: 765 kJ, 183 kcal.
Próten: 24,3 g
Fita: 9,5 g, þ.a. mettaðar fitusýrur 4 g og ómettaðar 4,2 g
Kólestról: 72 mg
Kolvetni: 0
Aðrar upplýsingar
Kjötið er af kvígum frá bænum Gerðum í Flóa og er unnið og pakkað hjá Villt & alið ehf. á Hellu.
Innihald: Pottsteik í heilum bita.
Upprunaland: Ísland, slátrað og unnið á Íslandi.
Framleiðandi: Villt & alið ehf.
Sláturhús: Sláturhúsið á Hellu
Söluaðili: Matfélagið ehf. – Matland.is
Umsagnir
Það eru engar umsagnir enn.