Ísfirðingar fá ferskt grænmeti frá Matlandi

Matland mun bjóða Ísfirðingum upp á íslenska grænmetiskassa alla föstudaga. Fyrsta afhending verður fyrir vestan föstudaginn 30. ágúst næstkomandi. Kaupendur á Ísafirði og nágrenni geta nálgast sinn kassa hjá veitingastaðnum Húsinu á Hrannargötu 2.

Grænmetiskassarnir frá Matlandi innihalda eingöngu innlent grænmeti og rótarávexti. Að jafnaði eru á bilinu 8-11 tegundir í hverjum kassa en úrvalið er breytilegt eftir því hvað er ferskast hverju sinni. Kassarnir eru settir saman hjá Matlandi í Reykjavík en fjölbreyttur hópur íslenskra bænda sjá um að útvega grænmetið. Hver kassi kostar 5.985 krónur með flutningskostnaði.

Til þess að fá kassa þarf að skrá sig í vikulega, tveggja vikna eða mánaðarlega áskrift. Hægt er að segja upp áskriftinni eða gera hlé á henni með einföldum hætti á eigin svæði í vefverslun Matlands.

Dæmi um innihald í grænmetiskassa Matlands:

• Rucola kál frá Lambhaga, 75 g poki
• Blómkál frá Höllu á Hverabakka, 1 haus
• Gulrætur frá Auðsholti, 500 g
• Paprika frá Flúðajörfa, 1 stk.
• Toppkál frá Höllu á Hverabakka, 1 stk.
• Agúrka frá Sólskins, 1 stk.
• Tómatar frá Friðheimum, 500 g
• Rósasalat frá Hveratúni, 1 haus

Hér er hægt að skrá sig í áskrift að grænmetiskössum Matlands. Til þess að fá kassa í næstu viku þarf að skrá sig fyrir kl. 15 á mánudag. Viðskiptavinir frá SMS á föstudögum þegar kassarnir eru komnir á leiðarenda og óhætt að sækja þá.

Matland býður Ísfirðinga og nærsveitafólk velkomið í áskrift.