Fersk klúbbsteik frá Reykjahlíð

Klúbbsteik af uxum frá Reykjahlíð á Skeiðum. Meyrt og safaríkt kjöt sem fékk að hanga í 14 daga. Klúbbsteikin er í raun hálf T-beinssteik, þ.e. búið er að taka lundarhlutann í burtu og saga beinið (sem verður því L-laga). Beinið gefur bragð en eftir eldun má bera steikina fram með beininu eða skera kjötið frá.

Hvaðan er nafnið „klúbbsteik“ komið? Ein kenningin er að einkaklúbbar og fínni veitingastaðir í Bandaríkjunum hafi boðið upp á steikina og þaðan sé nafngiftin. Stærðin á steikinni hentar vel á vænan disk fyrir einn fullorðinn. Þrátt fyrir að nákvæmur uppruni nafnsins sé óljós, vísar „club steak“ almennt til ribeye- eða strip-steikar með beini. Báðar eru þekktar fyrir mýkt og ríkt bragð.

Lagleg steik sem virkilega gaman er að elda og enn betra að snæða. Upplögð á grillið eða pönnuna. Klúbbsteikin er 50 mm þykk. Við mælum með að elda “medium rare” og muna að láta kjötið hvíla í nokkrar mínútur eftir eldun.

Kílóverð: 8.390 kr.

Kælivara. Best fyrir 9. okt. Veldu þá stærð sem hentar þér í fellivalinu hér undir.

Við sendum þér vörurnar gegn vægu gjaldi eða þú sækir til Matlands á Hrísateig 47 í Reykjavík daginn eftir kaup eða samdægurs ef pantað er fyrir hádegi. Sendingar út fyrir höfuðborgarsvæðið fara með Samskipum á afgreiðslur um allt land.