Deila þessari síðu

Íslenska kokkalandsliðið náði þriðja sæti á Ólympíuleikunum í matreiðslu sem haldnir voru í Stuttgart í Þýskalandi fyrstu vikuna í febrúar. Úrslitin voru tilkynnt á lokahátíð leikanna við mikinn fögnuð. Þetta er í annað sinn sem íslenskir matreiðslumenn ná þetta góðum árangri en nú jöfnuðu þeir framúrskarandi árangur sem náðist fyrir fjórum árum þegar liðið náði þriðja sætinu.

Finnar eru ólympíumeistarar og Svisslendingar urðu í öðru sæti.

Alls tóku 55 þjóðir þátt í leikunum í ár. Snædís Xyza Mae Jónsdóttir er landsliðsþjálfari Íslands og leiddi sitt fólk að þessum frábæra árangri.

Meðal hráefnis liðsins var íslenskur þorskur og lambakjöt.

Íslenska liðið keppti í tveimur keppnisgreinum. Fyrri greinin fór fram á sunnudag, „Chef´s table“, tólf manna borð með 11 rétta matseðli þar sem liðið hlaut gullverðlaun. Seinni greinin fólst í því að útbúa þriggja rétta matseðil fyrir ríflega 100 manns.

Liðið stóð sig mjög vel í báðum keppnisgreinunum og hlaut gulleinkunn fyrir þær báðar. Það þýðir að liðið skilaði meira en 91 stigi af 100 mögulegum. Niðurstöður dómara voru birtar á lokadegi en þá eru samanlögð stig fyrir báðar greinarnar lagðar saman og allar keppnisþjóðirnar bornar saman.

Síðustu ár hefur íslenska kokkalandsliðið náð mjög góðum árangri bæði á heimsmeistaramótinu og á Ólympíuleikunum. Það er afrakstur markvissrar vinnu til fjölda ára og metnaðs, bæði hjá Klúbbi matreiðslumeistara, liðsfólki og stuðningsaðilum landsliðsins.

Til hamingju Ísland!

Grænmeti í áskrift

Frá: 5.320 kr. / á mánuði
Veldu kosti

Hornfirskar kartöflur – Helga – 5 kg

2.540 kr.
Setja í körfu

Product on sale
Kjöt í kassa – 5 pk. hakk (500 g), 5 hamborgarar, 2 pk. snitsel og 2 pk. gúllas

Original price was: 19.170 kr..Current price is: 17.970 kr..
Setja í körfu

Laxasteikur – lausfrystir laxabitar úr landeldi

4.460 kr.
Frekari upplýsingar

Íslenskar rækjur – innfjarðarrækja frá Vestfjörðum – 1 kg

2.980 kr.
Setja í körfu