„Beef bourguignon“ – frönsk sæla í skammdeginu

„Beef bourguignon“ er klassískur franskur réttur úr nautakjöti sem er hægeldað í rauðvínssósu með grænmeti og kryddum. Þetta er einn af þekktustu réttum frönsku matargerðarhefðanna og á rætur sínar í Burgúndí-héraði.

Aðal innihald „Beef bourguignon“ eru bitar af nautakjöti sem eru brúnaðar og soðnir niður í rauðvíni,  oft með lauk, gulrótum, hvítlauk og kryddum eins og timían og lárviðarlaufi. Rétturinn er venjulega eldaður mjög lengi við lágan hita, þannig að kjötið verður mjúkt og bragðmikið.

Fyrir 2-3

• Nautagúllas frá Matlandi, 500 g
• Beikon frá Pylsumeistaranum (óskorið), 50 g
• Gulrætur, 3 stk
• Laukur, ½ stk.
• Rauðvín, 200 ml (franskt Pinot Noir)
• Nautasoð, 200 ml
• Tómatpurré, 1 msk
• Hvítlaukur, 1 geiri, marinn
• Timian, 2 greinar
• Rósmarín, 1 grein
• Lárviðarlauf, 2-3 stk.
• Perlulaukur, 30 g
• Sveppir, 100 g
• Smjör, 1 msk
• Hveiti, 1 msk
• salt
• pipar
• olía eða nautatólg til steikingar

Aðferð

Undirbúningur: Skerið beikon, grænmeti og nautakjötið í bita.

Steikið beikonið: Taktu stóran pott og hitaðu ólífuolíu á meðalhita. Settu beikonið í pottinn og brúnaðu þar til það er gyllt og stökk. Taktu beikonið úr pottinum og settu það til hliðar.

Brúnið kjötið: Í sama pott skaltu bæta nautakjötinu í skömmtum. Steiktu þar til kjötið er brúnað á öllum hliðum. Taktu kjötið úr pottinum og settu það til hliðar.

Steikið grænmetið: Bættu gulrótum, lauk og hvítlauki í pottinn. Eldið þar til grænmetið er mjúkt í um 5-7 mínútur.

Bættu saman: Bættu nautakjöti og beikoni aftur í pottinn. Stráðu hveiti yfir kjötið og grænmetið, hrærðu vel saman.

Bætið svo við rauðvíni, nautakrafti, tómat púrré, timían og lárviðarlaufi. Piprið, saltið og hrærið vel.

Suða: Sjóðið undir loki á lágu hitastigi í 5-7 klukkustundir, eða þar til kjötið er mjúkt og bragðið hefur þróast. Skerið sveppina í fernt og skerið perlulaukinn undir lok suðunnar.

Takið lárviðarlauf úr kássunni og bætið perlulauk og sveppum við. Látið malla í 20-30 mínútur þar til sveppirnir eru mjúkir. Smjörklípa sett með.

Smakkaðu til: Fínpússið bragðið með salti og pipar eftir þörf.

Meðlæti

Beef bourguignon er „rustik“ matur og fer best að borða kartöflustöppu með réttinum. Hér eru ágætar leiðbeiningar um gerð á kartöflumús. Berið fram með góðu brauði og ekki er verra að hafa rauðvínsglas nærri ef smekkur er fyrir því.