Kræsingar á Matlandsjólum

Matland lætur ekki sitt eftir liggja í jólamánuðinum og býður upp á margskonar góðgæti. Árstíðarbundnar vörur eins og grafið kjöt og jólasíld er gaman að snæða. Eitthvað alveg sérstakt og spari. Við afhendum vörur alla daga á aðventunni. Um að gera að skoða úrvalið og velja hvað hentar þér.

Við settum saman tvær gerðir af jólakössum þar sem er brot af því besta. Tilvaldir sem gjafir eða til að koma sér upp góðum birgðum í ísskápnum fyrir hátíðarnar.

Pylsumeistarinn útvegar vinsælu Ballerone-skinkuna, grafin bleikja kemur frá Tungusilungi, sultur og sósur frá Völlum í Svarfaðardal og þurrpylsur frá Tariello.

Kassarnir okkar heita „Brandajól“ og „Litlujól“ og eru eins og nöfnin gefa til kynna af tveimur stærðum.

Síldin frá Ósnesi á Djúpavogi hefur notið mikilla vinsælda. Við erum með tvær tegundir á boðstólum; marineraða síld og kryddsíld. Afhendum á miðvikudögum fram að jólum.

Hangikjötið er í litlu úrvali í ár en nokkur heil hangilæri eru í boði. Matland mælir með að hengja lærin upp á svölum stað og fá sér flís með piparrótarsósu frá Völlum endrum og eins á aðventunni. Sjóða síðan lærið á sjálfan aðfangadagsmorgun til að jafna út skötulyktina frá Þorláksmessu.

Vinir okkar á Seljavöllum í Hornafirði sjá viðskiptavinum fyrir góðum kartöflum. Stórar Helgur henta vel með jólamatnum, annað hvort bakaðar eða sem Hasselback.

Jólakassarnir frá Matlandi innihalda eingöngu íslenskar vörur sem unnar eru úr úrvalshráefnum.

Sælkerabændurnir Bjarni og Hrafnhildur á Völlum í Svarfaðardal sjá okkur fyrir reyktum ostum, sultum og sósum í jólakassana í ár.

Sem fyrr er nóg af kjöti í boði á Matlandi. Það er lítið eftir af hátíðarsteikum í hreindýrinu en allir ættu að geta fengið hreindýrahakk sem vilja. Minnum á góðu hreindýrabolluuppskriftir Nönnu Rögnvaldar.

Hátíðarkaffið á Matlandi kemur úr fórum Sönju Bjarkar Grant hjá Kaffibrugghúsinu. Hvað er betra en góður kaffiilmur á jólum?

Vert er að minna á að „Grænmetisgjafabréfin“ en þau sem fá þau í jólapakkanum geta leyst út grænmetiskassa hvenær sem er ásamt heimsendingu. Holl, nytsamleg og frumleg jólagjöf.

Hafið það gott á aðventunni og gleðileg jól!