Ljúffengt snitsel að hætti Matlands

Það er einfalt og fljótlegt að gera gott snitsel. Lykilatriði er að vera með gott kjöt sem er meyrt og mjúkt undir tönn. Kjötið á myndunum er nautasnitsel en sömu lögmál gilda um grísasnitsel eða kálfasnitsel. Allt mjög gott!

Þú þarft að hafa þessi hráefni við hendina og þá er eftirleikurinn auðveldur:

• 1 pk af snitseli (nauta, kálfa- eða svínasnitsel)
• 2 egg
• 1 msk Dijon sinnep
• 1 sítróna
• Panko brauðraspur
• kapers
• salt
• pipar
• olía til að steikja upp úr

Gott kjöt skiptir miklu máli. Í 700 g pakka eru yfirleitt á bilinu 4-5 sneiðar.

Undirbúið “blöndunarstöðvarnar” í byrjun. Egg, sinnep, salt og pipar slegið saman á einum disk.

Raspurinn á sínum disk.

Kjötið tilbúið og því síðan velt upp úr eggjablöndunni.

Síðan er sniselinu velt upp úr raspinum.

Olía á pönnu og steikt við vægan hita í 1-1,5 mín á hvorri hlið. Passið að hafa næga olíu á pönnunni og mikilvægt að brenna ekki raspinn.

Fallegt ekki satt?

Margt meðlæti er leyfilegt með snitseli – best að láta hugmyndafluginu að ráða. En sítróna og kapers er ómissandi. Kartöflusalat, rauðkál, súrar gúrkur og ferskt grænmeti passa einstaklega vel með snitseli.

Fullkomin eldun á nautasnitseli! Bleikt og mjúkt.